MADB bank logo

စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန

မြန်မာ့လယ်ယာဖွံ့ဖြိုးရေးဘဏ်

ဆောင်ပုဒ်

         စီးပွားတိုး၍ ဖွံ့ဖြိုးစေရန် “လယ်ယာဘဏ်”

နောက်ခံသမိုင်း

  • ၁၉၅၃ခုနှစ်၊ ဇွန်လ(၁)ရက်နေ့တွင် “နိုင်ငံတော်စိုက်ပျိုးရေးဘဏ်”ကို တည်ထောင်ခဲ့ပါသည်။
  • ၁၉၆၇ ခုနှစ်တွင် ပြည်ထောင်စုမြန်မာနိုင်ငံ၊ ပြည်သူ့ဘဏ်၏ စိုက်ပျိုးရေးချေးငွေဌာန အဖြစ် လည်းကောင်း၊ ၁၉၇၅ ခုနှစ်၊ ပြည်ထောင်စုမြန်မာနိုင်ငံတော် ဘဏ်ဥပဒေအရ ၁-၄-၁၉၇၆ မှစတင်၍ “မြန်မာ့စိုက်ပျိုးရေးဘဏ်”အဖြစ်လည်းကောင်း၊
  • ၁၉၉၀ပြည့်နှစ်တွင် “မြန်မာ့စိုက်ပျိုးရေးနှင့်ကျေးလက်ဖွံ့ဖြိုးရေးဘဏ်” ဟု လည်းကောင်း၊ အဆင့်ဆင့် ပြောင်းလဲဆောင်ရွက်ခဲ့ပြီး 
  • ၁၉၉၆ခုနှစ်၊ သြဂုတ်လ(၁၄)ရက်နေ့တွင် ဘဏ္ဍာရေးနှင့်အခွန်ဝန်ကြီးဌာနမှ လယ်ယာ စိုက်ပျိုးရေးနှင့် ဆည်မြောင်းဝန်ကြီးဌာနအောက်သို့ လွှဲပြောင်းရောက်ရှိခဲ့ ပါသည်။
  • ၁၉၉၇ ခုနှစ်၊ ဇန်နဝါရီလ (၃၀)ရက် နေ့စွဲပါ မြန်မာ့စိုက်ပျိုးရေးနှင့် ကျေးလက်ဖွံ့ဖြိုးရေးဘဏ်ကို ပြင်ဆင်သည့် ဥပဒေအရ “မြန်မာ့လယ်ယာဖွံ့ဖြိုးရေးဘဏ်”ဟု အမည်ပြောင်းလဲ ခေါ်ဝေါ်ခဲ့ပါသည်။
  • ၂၇-၁၂-၂၀၁၆ တွင် ကျင်းပပြုလုပ်သော စီမံကိန်းနှင့် ဘဏ္ဍာရေးဝန်ကြီးဌာန စီမံခန့်ခွဲရေး ကော်မတီ အစည်းအဝေးအမှတ်စဉ် (၈/၂၀၁၆-၁၇) အရ ၁-၄-၂၀၁၇ တွင် " စီမံကိန်းနှင့် ဘဏ္ဍာရေးဝန်ကြီးဌာန " လက်အောက်သို့လွှဲပြောင်းရောက်ရှိခဲ့ပါသည်။